Folio 018A (recto)

Gen 30:15 – Gen 30:38

Column 1

1Gen 30:15

וַתֹּ֣אמֶר לָ֗הּ הַמְעַט֙

קַחְתֵּ֣ךְ אֶת־ אִישִׁ֔י וְלָקַ֕חַת

גַּ֥ם אֶת־ דּוּדָאֵ֖י בְּנִ֑י וַתֹּ֣אמֶר

רָחֵ֗ל לָכֵן֙ יִשְׁכַּ֤ב עִמָּךְ֙

הַלַּ֔יְלָה תַּ֖חַת דּוּדָאֵ֥י בְנֵֽךְ ׃

6Gen 30:16

וַיָּבֹ֨א יַעֲקֹ֣ב מִן־ הַשָּׂדֶה֮

בָּעֶרֶב֒ וַתֵּצֵ֨א לֵאָ֜ה לִקְרָאתֹ֗ו

וַתֹּ֙אמֶר֙ אֵלַ֣י תָּבֹ֔וא כִּ֚י

שָׂכֹ֣ר שְׂכַרְתִּ֔יךָ בְּדוּדָאֵ֖י

בְּנִ֑י וַיִּשְׁכַּ֥ב עִמָּ֖הּ בַּלַּ֥יְלָה

11Gen 30:17

הֽוּא ׃ וַיִּשְׁמַ֥ע אֱלֹהִ֖ים אֶל־

לֵאָ֑ה וַתַּ֛הַר וַתֵּ֥לֶד לְיַעֲקֹ֖ב

13Gen 30:18

בֵּ֥ן חֲמִישִֽׁי ׃ וַתֹּ֣אמֶר לֵאָ֗ה

נָתַ֤ן אֱלֹהִים֙ שְׂכָרִ֔י אֲשֶׁר־

נָתַ֥תִּי שִׁפְחָתִ֖י לְאִישִׁ֑י

וַתִּקְרָ֥א שְׁמֹ֖ו יִשָׂשכָֽר ׃

17Gen 30:19

וַתַּ֤הַר עֹוד֙ לֵאָ֔ה וַתֵּ֥לֶד בֵּן־

18Gen 30:20

שִׁשִּׁ֖י לְּיַעֲקֹֽב ׃ וַתֹּ֣אמֶר

לֵאָ֗ה זְבָדַ֨נִי אֱלֹהִ֥ים ׀ אֹתִי֮

זֵ֣בֶד טֹוב֒ הַפַּ֙עַם֙ יִזְבְּלֵ֣נִי

אִישִׁ֔י כִּֽי־ יָלַ֥דְתִּי לֹ֖ו שִׁשָּׁ֣ה

בָנִ֑ים וַתִּקְרָ֥א אֶת־ שְׁמֹ֖ו

23Gen 30:21

זְבֻלֽוּן ׃ וְאַחַ֖ר יָ֣לְדָה בַּ֑ת

וַתִּקְרָ֥א אֶת־ שְׁמָ֖הּ דִּינָֽה ׃

25Gen 30:22

וַיִּזְכֹּ֥ר אֱלֹהִ֖ים אֶת־ רָחֵ֑ל

וַיִּשְׁמַ֤ע אֵלֶ֙יהָ֙ אֱלֹהִ֔ים

27Gen 30:23

וַיִּפְתַּ֖ח אֶת־ רַחְמָֽהּ ׃ וַתַּ֖הַר

Column 2

וַתֵּ֣לֶד בֵּ֑ן וַתֹּ֕אמֶר אָסַ֥ף

2Gen 30:24

אֱלֹהִ֖ים אֶת־ חֶרְפָּתִֽי ׃ וַתִּקְרָ֧א

אֶת־ שְׁמֹ֛ו יֹוסֵ֖ף לֵאמֹ֑ר יֹסֵ֧ף יְהוָ֛ה

4Gen 30:25

לִ֖י בֵּ֥ן אַחֵֽר ׃ וַיְהִ֕י כַּאֲשֶׁ֛ר

יָלְדָ֥ה רָחֵ֖ל אֶת־ יֹוסֵ֑ף וַיֹּ֤אמֶר

יַעֲקֹב֙ אֶל־ לָבָ֔ן שַׁלְּחֵ֙נִי֙

וְאֵ֣לְכָ֔ה אֶל־ מְקֹומִ֖י וּלְאַרְצִֽי ׃

8Gen 30:26

תְּנָ֞ה אֶת־ נָשַׁ֣י וְאֶת־ יְלָדַ֗י

אֲשֶׁ֨ר עָבַ֧דְתִּי אֹֽתְךָ֛ בָּהֵ֖ן

וְאֵלֵ֑כָה כִּ֚י אַתָּ֣ה יָדַ֔עְתָּ

אֶת־ עֲבֹדָתִ֖י אֲשֶׁ֥ר עֲבַדְתִּֽיךָ ׃

12Gen 30:27

וַיֹּ֤אמֶר אֵלָיו֙ לָבָ֔ן אִם־ נָ֛א

מָצָ֥אתִי חֵ֖ן בְּעֵינֶ֑יךָ נִחַ֕שְׁתִּי

וַיְבָרֲכֵ֥נִי יְהוָ֖ה בִּגְלָלֶֽךָ ׃

15Gen 30:28

וַיֹּאמַ֑ר נָקְבָ֧ה שְׂכָרְךָ֛ עָלַ֖י

16Gen 30:29

וְאֶתֵּֽנָה ׃ וַיֹּ֣אמֶר אֵלָ֔יו

אַתָּ֣ה יָדַ֔עְתָּ אֵ֖ת אֲשֶׁ֣ר

עֲבַדְתִּ֑יךָ וְאֵ֛ת אֲשֶׁר־ הָיָ֥ה

19Gen 30:30

מִקְנְךָ֖ אִתִּֽי ׃ כִּ֡י מְעַט֩ אֲשֶׁר־

הָיָ֨ה לְךָ֤ לְפָנַי֙ וַיִּפְרֹ֣ץ לָרֹ֔ב

וַיְבָ֧רֶךְ יְהוָ֛ה אֹתְךָ֖ לְרַגְלִ֑י

וְעַתָּ֗ה מָתַ֛י אֶֽ͏עֱשֶׂ֥ה גַם־

23Gen 30:31

אָנֹכִ֖י לְבֵיתִֽי ׃ וַיֹּ֖אמֶר מָ֣ה

אֶתֶּן־ לָ֑ךְ וַיֹּ֤אמֶר יַעֲקֹב֙

לֹא־ תִתֶּן־ לִ֣י מְא֔וּמָה אִם־

תַּֽ͏עֲשֶׂה־ לִּי֙ הַדָּבָ֣ר הַזֶּ֔ה

אָשׁ֛וּבָה אֶרְעֶ֥ה צֹֽאנְךָ֖

Column 3

1Gen 30:32

אֶשְׁמֹֽר ׃ אֶֽ͏עֱבֹ֨ר בְּכָל־ צֹֽאנְךָ֜

הַיֹּ֗ום הָסֵ֨ר מִשָּׁ֜ם

כָּל־ שֶׂ֣ה ׀ נָקֹ֣ד וְטָל֗וּא וְכָל־

שֶׂה־ חוּם֙ בַּכְּשָׂבִ֔ים וְטָל֥וּא

וְנָקֹ֖ד בָּעִזִּ֑ים וְהָיָ֖ה שְׂכָרִֽי ׃

6Gen 30:33

וְעָֽנְתָה־ בִּ֤י צִדְקָתִי֙ בְּיֹ֣ום

מָחָ֔ר כִּֽי־ תָבֹ֥וא עַל־ שְׂכָרִ֖י

לְפָנֶ֑יךָ כֹּ֣ל אֲשֶׁר־ אֵינֶנּוּ֩

נָקֹ֨ד וְטָל֜וּא בָּֽעִזִּ֗ים וְחוּם֙

בַּכְּשָׂבִ֔ים גָּנ֥וּב ה֖וּא אִתִּֽי ׃

11Gen 30:34

וַיֹּ֥אמֶר לָבָ֖ן הֵ֑ן ל֖וּ יְהִ֥י כִדְבָרֶֽךָ ׃

12Gen 30:35

וַיָּ֣סַר בַּיֹּום֩ הַה֨וּא אֶת־ הַתְּיָשִׁ֜ים

הָֽעֲקֻדִּ֣ים וְהַטְּלֻאִ֗ים וְאֵ֤ת

כָּל־ הָֽ͏עִזִּים֙ הַנְּקֻדֹּ֣ות

וְהַטְּלֻאֹ֔ת כֹּ֤ל אֲשֶׁר־ לָבָן֙

בֹּ֔ו וְכָל־ ח֖וּם בַּכְּשָׂבִ֑ים וַיִּתֵּ֖ן

17Gen 30:36

בְּיַד־ בָּנָֽיו ׃ וַיָּ֗שֶׂם דֶּ֚רֶךְ שְׁלֹ֣שֶׁת

יָמִ֔ים בֵּינֹ֖ו וּבֵ֣ין יַעֲקֹ֑ב

וְיַעֲקֹ֗ב רֹעֶ֛ה אֶת־ צֹ֥אן לָבָ֖ן

20Gen 30:37

הַנֹּותָרֹֽת ׃ וַיִּֽקַּֽח־ לֹ֣ו יַעֲקֹ֗ב

מַקַּ֥ל לִבְנֶ֛ה לַ֖ח וְל֣וּז וְעֶרְמֹ֑ון

וַיְפַצֵּ֤ל בָּהֵן֙ פְּצָלֹ֣ות לְבָנֹ֔ות

מַחְשֹׂף֙ הַלָּבָ֔ן אֲשֶׁ֖ר עַל־

24Gen 30:38

הַמַּקְלֹֽות ׃ וַיַּצֵּ֗ג אֶת־ הַמַּקְלֹות֙

אֲשֶׁ֣ר פִּצֵּ֔ל בָּרֳהָטִ֖ים

בְּשִֽׁקֲתֹ֣ות הַמָּ֑יִם אֲשֶׁר֩

תָּבֹ֨אןָ הַצֹּ֤אן לִשְׁתֹּות֙

Facsimile via Sefaria — drag to pan, scroll to zoom.